Пратениците претпладнево ја изгласаа потребата од донесување Предлог на закон за изменување и дополнување на Законот за попис на населението, кој предвидува негово одложување за септември, и Предлог на закон за изменување и дополнување на Изборниот законик, за употреба на скенери за отисоци од прсти и за одложување на локалните избори за втората половина на октомври
Собранието попладнево ја продолжи 38. седница со две точки на дневниот ред – одложување на пописот и измена на Изборниот законик. Но, бидејќи не е завршена комисиската расправа, седницата е прекината и дополнително ќе биде закажана.
„За продолжението на седницата дополнително ќе бидете информирани, што всушност зависи од работата на двете комисии, за европски прашања и за политички систем и односи меѓу заедниците, како матични комисии за овие точки и Законодaвно-правната комисија која исто така треба да ги разгледа двата законa“, рече претседателот на Собранието Талат Џафери., додавајќи дека кога ќе има извештај дека комисиите завршиле со работа со овие точки, согласно времето и роковите, ќе бидат известени пратениците.
Пратениците претпладнево ја изгласаа потребата од донесување Предлог на закон за изменување и дополнување на Законот за попис на населението, кој предвидува негово одложување за септември, и Предлог на закон за изменување и дополнување на Изборниот законик, за употреба на скенери за отисоци од прсти и за одложување на локалните избори за втората половина на октомври, обата по скратена постапка, чии предлагачи се претставници од сите пратенички групи во Собранието.
За нив сега расправаат матичните комисии, за европски прашања и за политички систем и односи меѓу заедниците и на Законодавно-правната комисија.