На почетокот на седницата, на која требаше да се утврди бројот на потпретседатели на Собранието, претседателот Талат Џафери информираше за оставката на новоизбраниот пратеник од редовите на ДУИ, Флорин Бесими.
Законодавниот дом ја констатираше неговата оставката откако Џафери соопшти дека сега веќе бившиот пратеник нема да ја образложува. Флорин Бесими ја најави својата оставката откако ДУИ објави дека ќе го предложи неговиот брат Фатмир за министер за финансии.
По констатирањето на оставката, претседателот на Собранието ја прекина седницата и сега се чека извештај од ДИК за тоа кој е следниот пратеник што ќе седне во пратеничкото место од листата на интегративците во шестата изборна единица. Во меѓувреме, од ДИК закажаа седница за 12:30 часот.
Како што информиравме претходно, местото на Бесими ќе го заземе Фазли Бедри.
На оваа седница на Собранието на дневен ред е предлогот за утврдување на бројот на потпретседатели. И во овој, како и во претходниот парламентарен состав, според предлог-одлуката, ќе може да има најмногу пет потпретседатели.