Педијатриската медицинска сестра Анифа Љеши од Дебар синоќа го добила и вториот контролен резултат дека повеќе нема коронавирус, пишува „Слободен печат“. Станува збор за т.н. асимтоматски пациент кој го има вирусот, но не ги покажуа типичните знаци дека ковид-19 е присутен во телото.
Љеши се изборила со болеста во својот дом и освен загубеното чувство за мирис и вкус, што и самата вели може да се должи на психолошкиот притисок, немала други симтоми.
„За моја среќа, во сета оваа несреќа, јас бев во групата на оние инфицирани кои што не покажуваат симптоми. Иако, уверена сум дека непознатото секогаш останува големаенигма се додека не го сфатиме вистински. Вистина е дека дома се лекував, а најдобрата терапија ми беа моите блиски со кои што од првиот момент добив сила. Медицински, примав Сумамед бета имун апчиња и витамин Ц“,
вели Љеши за „Слободен Печат“.
Во интервјуто, Љеши објаснува и дека не знае како се заразила со вирусот, но и дека не обвинува никого за тоа.
„Ова е исто така една голема енигма, верувајте. Јас како медицинско лице, а во тоа и целиот тим кај што работам, бевме свесни за ризикот и секако дека секојдневно се соочувавме со многу пациенти. Нив никако и никогаш не можам да ги обвинам, бидејќи, кога јас и ние се заразивме, светот, а и многумина во нашата јавност, уште немаа приметено дека станува збор за една голема закана, која денеска гледаме, после толку време дека била навистина реална. Сметам дека до ова дојде како резултат на секојдневието, на контактот со пациенти и луѓе кои што можеби биле заразени, а тоа не го знаеле“,
вели Љеши за „Слободен печат“.
Целиот текст на следниот ЛИНК