Партијата Има таков народ на Слави Трифонов минатата недела остана остана без уште еден пратеник, шести, откако Симеонов од собраниската говорница во бугарскиот парламент објави дека излегува од неговата досегашната партија
Парламентот ќе расправа за гласање недоверба на владата на Кирил Петков на вонредна седница во вторник. На вонредната седница на дневен ред ќе биде предлог-одлуката за изгласување недоверба на владата на премиерот Кирил Петков, а подносители на предлог-одлуката се Десислава Атанасова и група пратеници. Според правилата на бугарскиот парламент, гласањето мора да се одржи најрано 24 часа по завршувањето на расправата
Немам информации дали и други пратеници од Има таков народ ќе ме следат, изјави денеска бугарскиот пратеник Кирил Симеонов за БНТ, кој последен се отцепи од партијата на Слави Трифонов.
„Оваа одлука ја донесов сам, не можам да кажам какви преговори или разговори се водат“,
рече Симеонов.
Според него, луѓето сакаат алтернатива на статус кво ситуацијата.
„Она што ја прели чашата е смена на претседателот на Народното собрание. Гласав заедно со мојата пратеничка група, тоа го направив од лојалност. Двете опции се неприфатливи, недостига соодветна комуникација на високо ниво, најверојатно ќе има предвремени избори, парламентот повторно ќе биде крајно фрагментиран и разновиден“,
додаде Симеонов.
Според него, нема да може да се формира соодветен кабинет.
Партијата Има таков народ на Слави Трифонов минатата недела остана остана без уште еден пратеник, шести, откако Симеонов од собраниската говорница во бугарскиот парламент објави дека излегува од неговата досегашната партија.
Неговата партија излезе од владината коалиција, а со нејзина помош опозициските ГЕРБ, ДПС и Преродба му изгласаа недоверба на досегашниот претседател на Народното собрание, Никола Минчев, и го сменија од функцијата.
Симеонов во емотивниот говор рече дека му е срам што гласал заедно со ГЕРБ и ДПС.
Парламентот ќе расправа за гласање недоверба на владата на Кирил Петков на вонредна седница во вторник. Седницата ќе започне во 11 часот, а ја свика претседателот на Народното собрание, Мирослав Иванов, стои во објавата на веб-страницата на бугарското Народно собрание, пренесува БНТ.
На вонредната седница на дневен ред ќе биде предлог-одлуката за изгласување недоверба на владата на премиерот Кирил Петков, а подносители на предлог-одлуката се Десислава Атанасова и група пратеници.
Според правилата на бугарскиот парламент, гласањето мора да се одржи најрано 24 часа по завршувањето на расправата.
Гласањето за недоверба на владата во средата го поднесе ГЕРБ со образложение дека владата остварила неуспех во финансиската и економската политика. ГЕРБ доби поддршка и од Има таков народ, ДПС и Преродба.
За да биде изгласа недовербата на владата, ќе бидат потребни 121 глас. Како што пишува БНТ, моментално за недоверба на владата би можело да има вкупно 125 гласа „за“, и тоа 59 пратеници од ГЕРБ, 34 од ДПС, 19 од ИТН и 13 од Преродба.