Лидерот на Алијанса за Албанците, Зијадин Села смета дека Насер Зибери не може да биде назначен за Народен правобранител, бидејќи таа позиција е наменета за опозицијата, изјави тој за емисијата Клик Плус на ТВ 21.
Изјавата на Села следи откако претходно денеска ТВ 21 неофицијално објави, а другите медиуми пренесоа, дека Зибери, кој во предизборната кампања на ДУИ настапуваше како кандидат за премиер, ќе го замени Иџет Мемети, кому во декември му истекува мандатот на таа функција.
Засега нема официјална потврда на информацијата од Зибери.
Според Уставот, Народен правобранител се бира од Собранието со 8 годишен мандат.