И тој мисли како и јас, дека овој проект е стратешки за државата и локалното население, посебно имајќи го во предвид економскиот бенефит на крајот, кое е типично рударско место, рече Мицкоски и додаде дека лично зборувал со градоначалникот на Крива Паланка, Сашко Митовски
Правото на референдум е уставно загарантирано и секој може да побара, но ме чуди фактот што градоначалникот на Крива Паланка, кој доаѓа од редовите на СДСМ, има поинакво мислење од раководството на партијата, вели премиерот Христијан Мицкоски по барањето на опозицискиот СДСМ за локален референдум во врска со рудникот за антимон.
Мицкоски го повтори ставот дека станува збор за стратешка инвестиција.
„Бидејќи јас честопати коминицирав со него (н.з. градоначалникот на Крива Паланка), вклучително и денеска. Можев да се уверам дека неговиот ставот е сосема спротивен, дека прво овој проект е дел од нашата соработка со Соединетите Американски Држави, финансиран делумно од САД. Проект кој кога ќе се изгради ќе мора да ги задоволи условите согласно законите и Уставот во Македонија. За тоа лично гарантирам, а гарантираат и инвеститорите. Зарем некој мисли дека ДФЦ може да инвестираа во ваков проект и тоја да не биде соодветно третиран? И тој мисли како и јас, дека овој проект е стратешки за државата и локалното население, посебно имајќи го в предвид економскиот бенефит на крајот, кое е типично рударско место,“
рече Мицкоски.
Од СДСМ денеска порачаа дека потребна е широка јавна дебата во која ќе бидат вклучени експерти, како и локалното население, во однос на најавите за рудник за антимон. Побараа спроведување на локален референдум и исполнување на неколку , како што велат, клучни услови.
„Старото еколошко жариште Лојане со децении стои нерешено, а во исто време се најавува нов рудник за антимон. Не сме против инвестиции. Но, не може моделите да бидат фокусирани на профитот и бизнисот, со висок ризик по здравјето на граѓаните. Не може да се зборува само за економска корист која не е сигурна. А, при оа никој да не зборува за загадувањето и опасноста по луѓето, за цената на загадена вода, за цената на заболени луѓе и за цената на уништено земјоделство. Тоа не се бројки во извештаи, тоа се последици кои траат со генерации“,
велат од СДСМ.