Во реакцијата прават споредба со септември 2022 година, кога, според нивните наводи, реалната нето-плата бележела пад од пет отсто. Оттаму оценуваат дека разликата ги покажува резултатите од економските политики на двете влади
Од партијата додаваат дека не интервенираат со законски измени за минималната плата, туку растот го оставаат да се регулира преку пазарот на трудот и постојниот закон
Од владејачката ВМРО-ДПМНЕ денеска упатија реакција на критиките на опозицискиот Социјалдемократски сојуз (СДСМ) наменети за платите и животниот стандард.
Повикувајќи се на најновите податоци на Државниот завод за статистика (ДЗС), оттаму велат дека СДСМ зборуваат за погрешни податоци оти реалната нето-плата во септември 2026 година пораснала за 5,2 отсто, односно раст на платите коригиран за инфлацијата.

„Нејасно е зошто СДС упорно отвора теми во јавноста кои никако не им одат во прилог. Се занимаваат со статистички податоци кои се лесно проверливи и кои немилосрдно ја покажуваат нивната безидејност. Зборуваат за платите, а не подалеку од вчера, и Државниот завод за статистика потврди дека платите во Македонија растат“,
се вели во партиското решение.
Во реакцијата прават споредба со септември 2022 година, кога, според нивните наводи, реалната нето-плата бележела пад од пет отсто. Оттаму оценуваат дека разликата ги покажува резултатите од економските политики на двете влади.
„Во услови на историска енергетска криза, нашата Влада успева реалната плата да ја зголеми за 5,2 отсто, додека тие, владата предводена од СДС, во 2022, кога исто така имаше ограничена енергетска криза, успеаја да ја намалат за пет проценти“,
додаваат оттаму.

Од партијата додаваат дека не интервенираат со законски измени за минималната плата, туку растот го оставаат да се регулира преку пазарот на трудот и постојниот закон.
Најавуваат дека ќе продолжат со политики насочени кон економска стабилност, отворање нови работни места, повисоки плати и подобрување на животниот стандард.
Од СДСМ денеска соопштија дека синдикалната минимална кошница во ноември достигнала 70 827 денари, што е за 469 денари повеќе во споредба со претходниот месец.
Оттаму велат и дека ако се пресметаат и трошоците за изнајмување стан, вредноста на кошницата надминува 90 000 денари, при што оценуваат дека растот на трошоците за живот дополнително го намалува животниот стандард на граѓаните.
Од Сојузот на синдикати на Македонија (ССМ) соопштија дека вредноста на синдикалната минимална кошничка за ноември годинава изнесува 70 827 денари, што претставува зголемување за 469 денари во споредба со претходниот месец, кога изнесуваше 70 358 денари.
Министерот за економија и труд Бесар Дурмиши вчера ја претстави вредноста на потрошувачката кошничка што ја изготвува Владата и таа, како што рече тој, изнесува 59 149 денари, што е за 942 денари или 1,6 отсто повеќе во споредба со септември.
Разликата меѓу двете потрошувачки кошнички, и синдикалната и онаа на Владата, е повеќе од 11 000 денари.
