Во утринското соопштение на владејачката партија се наведени неколку тези, кои, според социјалдемократите, упатуваат на тоа дека „како и за сѐ, така и за опасниот вирус, Мицкоски и неговата партија менуваат ставови по потреба“
Коронавирусот за Христијан Мицкоски и за ВМРО-ДПМНЕ е опасен само тогаш кога тоа им одговара на нивните дневно-политички агенди и кога глумат загриженост за здравјето.
Во утринското соопштение на владејачката партија се наведени неколку тези, кои, според социјалдемократите, упатуваат на тоа дека „како и за сѐ, така и за опасниот вирус, Мицкоски и неговата партија менуваат ставови по потреба“.
КОИ СЕ АРГУМЕНТИТЕ НА СДСМ:
- За Мицкоски вирусот беше опасен, па поради тоа правеше притисок за предвремените парламентарни избори, глумејќи загрижен лидер, кому му било важно здравјето на граѓаните.
- Од друга страна, ни тој самиот не ги почитуваше здравствените протоколи, и поради него се отвораа фитнес-сали, се заклучуваа ресторани.
- Заменик-министерката за финансии во техничката влада Гордана Димитриевска Кочоска го закочи проектот од Светска банка вреден 90 милиони евра, средства наменети и за кревети за интензивна нега за сите инфективни одделенија во државата, за лабораториски капацитети.
- Членот на ИК на ВМРО-ДПМНЕ, инфектологот Вело Марковски, се расфрла со теории на заговор поврзани со коронавирусот, кои одат само на штета на здравјето на граѓаните.
- Раководството на ВМРО-ДПМНЕ, со организирање масовни собири за спас на фотелјата на Мицкоски, на кои масовно се прекршуваат мерките за заштита од коронавирусот, го загрозува и јавното и здравјето на своите приврзаници.
- Колку на Мицкоски му е важно здравјето на граѓаните покажува и однесувањето на пратеничката група на ВМРО-ДПМНЕ која се обидуваше да го опструира Законот за здравствена заштита на населението од заразни болести во Собранието.