СДСМ реагира на видео-изјавата на лидерот на опозициската ВМРО-ДПМНЕ, Христијан Мицкоски, дека Владата треба да донесе итно втор сет на мерки за помош на економијата и стоапнството.
*Поврзана вест: Мицкоски: Под притисок на стопанството и опозицијата, Владата води „пиши-бриши“ политика (ВИДЕО)
„Задоцнета е лажната грижа на Мицкоски, Владата веќе донесе втор сет економски мерки со кој се опфаќаат 250.000 работни места, следува и трет пакет мерки. Христијан Мицкоски продолжува да се однесува несериозно во време на сериозна здравствена и економска криза и наместо конструктивност, тера политиканство и популизам. Владата ги слуша работниците, синдикатите и фирмите и затоа презема мерки кои му служат на стопанството, а не на Мицкоски кој по којзнае кој пат покажа дека не знае економија“, се
вели во соопштението на СДСМ.
Со досега донесените мерки, СДСМ вели дека државата спасува 250.000 работни места и помага на 35.000 компании.
„Мерките обезбедуваат помош и поддршка на бројни категории граѓани и речиси на над 70 отсто од дејностите. Државата, институциите покажаа исклучителна подготвеност да се справат со здравствените предизвици од коронавирусот и ќе покажат иста таква подготвеност во справување со економските последици“,
се вели во соопштението.