Лидерот за опозициската ВМРО-ДПМНЕ, Христијан Мицкоски, се обрати преку видео-порака, коментирајќи ги економските вести кои се однесуваат на нашата држава. Тој вели дека Владата треба да ја напушти надмената политика, да почне да ја слуша опозицијата и веднаш да почне да размислува за втор сет мерки по јули.
„Под притисок на јавноста и опозицијата, почнуваат да водат една нова поинаква политика наречена ‘пиши-бриши’ политика. Во која смисла ‘пиши-бриши’ политика, уредбата којашто првично беше донесена, на секоја следна наредна седница, под притисок на јавноста, стопанството, опозицијата и граѓаните, претрпува определени измени. Последната верзија којашто денеска ја имаме при рака е дека практично работодавачите не се обврзани да ги задржат вработените до септември, туку таа обврска трае два месеца помалку, а тоа е до јули“,
вели Мицкоски.
Тој смета дека е потребно веднаш да се седне и да се размислува за втор сет мерки, затоа што во сите политики во насока на поддршка на стопанствотот и компаниите кои што завршуваат со јули, треба да бидат проширени.
„ВМРО-ДПМНЕ во периодот што следува ќе продолжи активно да нуди решенија, ќе продолжи активно да нуди политики и во самата влада преку претставници кои што учевствуваат таму, но и ќе ја запознава јавноста. Останува на владата дали ќе продолжи да се однесува примитивно и надмено како што се однесуваше досега, па потоа со пиши-бриши методата да ги менува уредбата која што сама ги носи или дел од тие политики и мерки што ги нуди ВМРО-ДПМНЕ ги прифати веднаш на самиот почеток пред да биде понатаму доцна“,
додава Мицкоски.