Тунелот испушта водена прашина во која има еколошки биораствор кој ги неутрализира бактериите и вирусите
Тунел за дезинфекција од денеска е поставен пред градскиот пазар во Кавадарци, како една од многубројните превентивни мерки против коронавирусот што ги презема локалната самоуправа.
„Се приклучуваме кон светските практики за борба со вирусот. Пазарот е најфреквентното место во градот. Тунелот испушта водена прашина во која има еколошки биораствор кој ги неутрализира бактериите и вирусите. Идејата е да се постигне максимална заштита на луѓето кои влегуваат и излегуваат од градскиот пазариштен простор. Тунелот го добивме како резултат на иницијатива и донација од општествено одговорни субјекти“,
нагласија од локалната самоуправа.
Електронскиот дел на тунелот е изработен и дониран од професорот иноватор Димитрија Ангелков. Донирале и студиото за дизајн „Нова-М“, „Грин хаус“, автосервис „Автомито“.