Двете компаниите кои го добија тендерот за набавка на 31 респираторна машинa го известиле Министерството за здравство дека не можат да ги испорачаат респираторните машини согласно договорот.
„Поради ова, јавната набавка се поништува и ќе биде повторно распишана. Во меѓувреме, Република Северна Македонија доби 12 респираторни машини од Европската Унија со што се надополнија посточечките капацитети. Вклучувајќи ги новите машини што пристигнаа, во здравствените институции ширум земјата во моментот има на располагање преку преку 130 респираторни машини“,
велат од Министерството за здравство.
Оттаму информираат дека во моментов се користат помалу од 10 проценти од респираторите со оглед дека на апарати за дишење се вклучени 11 пациенти.
Фирмите кои го добија тендерот за 31 респиратор, а сега известиле дека не можат да ги испорачаат се ДТУ “Соникс Анастасија“ ДООЕЛ увоз-изоз Скопје и „Винора“ ДООЕЛ Скопје. Респираторите требаше да пристигнат од Германија и Јужна Кореја по цена од околу 25 000 евра за еден апарат.
Детали за пропаднатиот тендер прочитајте на линкот: Македонија ќе купи 31 респиратор од Јужна Кореја и Германија по цена од 25 000 евра