Струмичките пожарникари ги повикуваат граѓаните да избегнуваат движење во близина на депонијата и зоните зафатени со чад, да не плата стрништа, сува трева или отпад бидејќи на најмала несовесност може да предизвика нов пожар
Доколку почувствуваат силен мирис на чад да ги затворат прозорците и вратите и ако е можно да останат во затворени простории. Да не фрлаат догорчиња и запалив отпад во природа и секој забележан пожар да го пријават на 112
И денеска продолжува гаснењето на пожарот на депонијата кај селото Добрашинци, информираат од струмичката територијална противпожарна единица (ТППЕ).
Оттаму предупредуваат дека ваквите пожари создаваат густ чад и опасни гасови што можат негативно да влијаат врз здравјето на децата, постарите лица и оние со хронични заболувања.
„Пожарникарите-спасители вложуваат максимални напори за целосно ликвидирање на пожарот“,
велат пожарникарите.
Затоа, струмичките пожарникари ги повикуваат граѓаните да избегнуваат движење во близина на депонијата и зоните зафатени со чад, да не плата стрништа, сува трева или отпад бидејќи на најмала несовесност може да предизвика нов пожар.
„Доколку почувствуваат силен мирис на чад да ги затворат прозорците и вратите и ако е можно да останат во затворени простории. Да не фрлаат догорчиња од цигари и запалив отпад во природа и секој забележан пожар да го пријават на 112“,
се вели во соопштението од ТППЕ Струмица.
Струмичките пожарникари и вчера активно работеа на гаснење на пожарот на депонијата во близина на селото Добрашинци.
Во интервенцијата беа вклучени две противпожарни возила и шест пожарникари спасители.