Деновиве ќе биде решен проблемот со платите на епидемиолозите и останатите вработени во Институтот за јавно здравје (ИЈЗ), најавуваат здравствени власти откако излегоа реакции дека платата за март сè уште не е исплатена.
„Во ИЈЗ со години наназад постои колективен договор за кој забелешки имаше Државниот завод за ревизија. Ние интензивно работевме изминатите неколку месеци, работиме и сега, имаме некакво финално решение и верувам дека тоа ќе биде усогласено. Работевме и со Фондот за здравствено осигурување и со правната служба во Министерството, така што верувам дека овој проблем за неколку дена ќе биде решен“,
одговори Филипче на новинарско прашање за ваквите реакции.