„Банкротот на Русија е само прашање на време, а со оваа војна рускиот претседател Владимир Путин ја уништува сопствената држава и иднината на нејзиниот народ“, изјави претседателката на ЕК, Фон дер Лајен, додавајќи оти извозот во Русија паднал за 70 проценти, а според сегашните прогнози, БДП на Русија ќе падне за 11 отсто
Претседателката на Европската комисија, Урсула Фон дер Лајен во интервју за германски „Билд“ истакна дека санкциите воведени од Западот сè повеќе ќе продрат во руската економија и оти единствено е прашање на време кога Русија ќе банкротира.
„Банкротот на Русија е само прашање на време, а со оваа војна рускиот претседател Владимир Путин ја уништува сопствената држава и иднината на нејзиниот народ“,
изјави претседателката на ЕК, Фон дер Лајен, додавајќи оти извозот во Русија паднал за 70 проценти, а според сегашните прогнози, рускиот БДП ќе падне за 11 отсто.
Таа додаде оти земјите од ЕУ и плаќаат на Русија по 450 милиони евра секој ден само за испорака на нафта, за што истакна дека примарна цел е да се намалат приходите на Путин.
„Но, нафтата се тргува на глобално ниво. Она што не треба да се случи е Путин да наплаќа уште повисоки цени на другите пазари. Затоа ние во моментов развиваме механизми кои ќе овозможат нафтата да може да биде вклучена во следниот пакет санкци“,
нагласи претседателка на Европската комисија.
Таа додаде дека Украина може да извојува победа во војната и оти храброста и отпорот на Украина се импресивни.