Екипи на скопските пожарникари и на специјалната единица на МВР денеска спречија обид за самоубиство во Карпош.
Девојка, која според објавените информации имала психички проблеми, се обидела да скокне од тераса на стан во зграда на булеварот Илинден во Општина Карпош.
Пријава за интервенција стигнала на телефонскиот број 193 десетина минути по 12 часот, по што пожарникарите излегле на терен и поставиле душек за спасување во случај ако девојката скокне да падне на него.
Кога девојката влегла во станот, пожарникарите почнале со интервенција на тој начин што преку горниот кат сакале да се спуштат во станот каде се наоѓала, но тука акцијата ја презела интервентната полиција и ја провалила вратата за да влезе внатре и да ја смири девојката.