Основното јавно обвинителство Битола поднесе предлози за определување казни против четири лица кои не го почитувале полицискиот час.
*Поврзана вест: Во изминатото деноноќие 42 лица не го почитувале полицискиот час
„За време на полицискиот час тие биле затекнати како се движат на различни локации во градот, со што го сториле кривичното дело непостапување според здравствените прописи за време на епидемија од член 206 став 1 од Кривичниот законик“,
информираат од Обвинителството.
Јавниот обвинител до Основниот суд Битола предложил за сите обвинети да изрече парични казни од 100 дневни глоби, а висината на една дневна глоба да биде определена на 20 евра во денарска противвредност, односно по 2 000 евра за секој.
*Поврзана вест: Полицискиот час за 1 Мај денеска на владина седница