Со оваа важна одлука, додава Пендаровски во честитката, се исправа долгата историска неправда нанесена врз нашата црква и нејзините верници и се исцелуваат длабоките рани поради децениската изолација со која се соочи возобновената Охридска архиепископија
Со голема радост ја примив веста за историската одлука на Светиот и севишен синод на Вселенската патријаршија и на Неговата Божествена Сесветост, вселенскиот патријарх г.г. Вартоломеј, стои во честитката на шефот на државата Стево Пендаровски по повод признавањето на каноничноста на нашата црква од страна на Вселенската патријаршија.
Пендаровски упати честитка до поглаварот на Македонската православна црква-Охридска архиепископија, митрополит скопски, aрхиепископ охридски и македонски и на Јустинијана Прима, г.г. Стефан.
„Дозволете ми, Вам лично, на членовите на Светиот архиерејски синод, на целото свештенство и монаштво и на сите верници од православната вероисповед да ви ја честитам веста за признавање на каноничноста на нашата црква од страна на мајката црква“,
стои во честитката на претседателот Пендаровски.
Со оваа важна одлука, додава претседателот, се исправа долгата историска неправда нанесена врз нашата Црква и нејзините верници и се исцелуваат длабоките рани поради децениската изолација со која се соочи возобновената Охридска архиепископија.
„Примајќи ја нашата Црква во евхаристиско општење, Вселенската патријаршија ги избриша вештачки создадените поделби и го отвори просторот за градење на духовно единство на православните верници. Со ваквиот чекор, патријархот Вартоломеј и Вселенската патријаршија не само што ја препознаваат реалноста на нашата жива православна Црква, туку го признаваат и нејзиниот историски континуитет со древната Охридска архиепископија која низ вековите била прибежиште и извор на духовна сила и надеж за православните верници“,
стои во честитката на претседателот Пендаровски.
Како што се наведува во честитката, претседателот верува оти оваа одлука отвора можност за нов и необременет духовен раст на нашата црква и напредок и помирување во македонското општество.
*Повеќе вести поврзани со темата:
- Вселенската патријаршија ја призна нашата црква Охридска архиепископија за канонска
- Веќе не сме расколници: Како понатаму до автокефалност на Охридска архиепископија?
- Ковачевски: Одлуката на Вселенската Патријаршија е најважниот чекор, нашата црква е во заедница со сите православни цркви
- Мицкоски: Признавањето на Охридската архиепископија е потврда и за идентитетот на македонскиот народ
- Реакција од Москва: Признаваме само канонски права на Српската црква во Македонија
- Реакции во Грција по одлуката на Вселенската патријаршија: Крај на повеќегодишната перипетија на шизматичката црква, која се врати во рамките на канонската православна црква
- Средба на Ковачевски со г.г. Стефан: Историска одлука и долгоочекувано вековно признание за постоењето на МПЦ, наследничка на древната ОА
- МПЦ-ОА му се заблагодари на Вартоломеј и најави продолжување на разговорите со СПЦ