Граѓаните ќе може повратот од данокот од проектот „Мој ДДВ“ да го донираат во фондот за справување со последиците од ковид-19. Владата донесе Уредбата за примена на Законот за враќање на дел од данокот на додадена вредност на физичките лица за време на вонредна состојба.
„Физичките лица корисници на апликативниот софтвер за пријавување на податоците од фискалната сметка изготвен во мобилна верзија ќе имаат можност да изберат да го донираат остварениот износ од данокот на додадена вредност за кој имаат право на враќање,
се вели во соопштението на Владата.
За остварениот износ за поврат на ДДВ во првото тримесечје во оваа година, граѓаните ќе имаат можност да изберат опција за донирање на дел од данокот на додадена вредност најдоцна до 5-ти мај 2020 година.