Избирачките места се отворени во осум сојузни држави – Конектикат, Индијана, Кентаки, Мејн, Њу Џерси, Њу Хемпшир, Њујорк и Вирџинија
Пред околу еден час, на источниот брег на Америка наврши 6:00 часот изутрина (12 часот по македонско време), со што се отворија првите гласачки места во неколку држави во САД.
Избирачките места се отворени во осум сојузни држави – Конектикат, Индијана, Кентаки, Мејн, Њу Џерси, Њу Хемпшир, Њујорк и Вирџинија.
По отворањето на првите гласачки места, на социјалната мрежа Икс се огласи актуелната потпретседателка и демократска кандидатка за претседателка Камала Харис и порача:
„Дојде денот на изборите. Денеска гласаме затоа што ја сакаме нашата земја. Вашиот глас нека се слушне.“
Election Day is here. Today, we vote because we love our country and we believe in the promise of America.
— Kamala Harris (@KamalaHarris) November 5, 2024
Make your voice heard: https://t.co/VbrfuqVy9P
Нејзиниот противкандидат, експретседателот на САД и претседателски кандидат на Републиканците, Доналд Трамп, пак, уште пред официјалниот почеток на гласањето порача:
„Време е да излеземе и да гласаме за заедно повторно да ја направиме Америка силна.“
A GREAT DAY IN NORTH CAROLINA, PENNSYLVANIA, AND MICHIGAN—THANK YOU!
— Donald J. Trump (@realDonaldTrump) November 5, 2024
IT’S TIME TO GET OUT AND VOTE—SO TOGETHER, WE CAN MAKE AMERICA GREAT AGAIN!!! https://t.co/QrckeupQKi pic.twitter.com/eQisvQHxMZ
Во САД денеска се одржуваат 60. претседателски избори, а гласачите одлучуваат дали Камала Харис или Доналд Трамп ќе ја земат позицијата во Овалната соба. Двајцата кандидати вчера ги одржаа последните митинзи.