„Според првичните сознанија, засега непознати сторители насилно влегле во гаражата во која бил паркиран автомобилот, го полеале со запаливо средство и го запалиле, предизвикувајќи материјална штета“, велат од Јавното обвинителство
Приватниот автомобил на основната јавна обвинителка од Прилеп, Марјана Илиеска, намерно бил опожарен во текот на вчерашниот ден, информираат од Основното јавно обвинителство (ОЈО) Прилеп.
По настанот, бил извршен увид на самото место, обезбедени се траги и докази и се преземаат дејствија за откривање на сторителот на кривичното дело.
„Според првичните сознанија, засега непознати сторители насилно влегле во гаражата во која бил паркиран автомобилот, го полеале со запаливо средство и го запалиле, предизвикувајќи материјална штета“,
се вели во соопштението од Јавното обвинителство.
Јавното обвинителство на Република Северна Македонија и Здружението на јавни обвинители го осудија ваквиот напад и обид за заплашување на раководител на основно јавно обвинителство со проширена надлежност.