Основното јавно обвинителство Скопје започна истражна постапка против 24-годишното момче за вчерашното убиство на неговиот татко.
Како што се наведува во соопштението од ОЈО, осомничениот вчера околу 23 часот го убил својот татко, на што претходела вербална расправија поради претходно нарушени семејни односи. Осомничениот на својот татко и му задал повеќе убодни рани со нож во пределот на раката, главата и вратот. Повредениот успеал да стигне до Клиничкиот центар „Мајка Тереза“, кој бил во непосредна близина на неговото живеалиште, за да му биде укажана лекарска помош, но поради обилно крварење како последица на повредите, тој починал пред влезот на Клиничкиот центар.
Обвинителството бара притвор за осомничениот бидејќи постои опасност од бегство или од попречување на кривичната постапка со влијание врз сведоците.
*Поврзана вест
По синоќешното убиство, 24-годишниот син е приведен, ножот е одземен