Од обвинителството велат дека обезбедиле докази, како и искази од две девојчиња кои имаат помалку од 14 години, а пред кој осомничениот се задоволувал на јавно место
Маж на возраст од 61 година е осомничен за кривичното дело задоволување полови страсти пред друг, соопшти Основното јавно обвинителство (ОЈО) – Битола кое отвори истрага.
Жртви на осомничениот биле две деца, девојчиња кои имаат помалку од 14 години.
„Основаното сомнение дека пријавениот го сторил кривичното дело произлегува од обезбедените докази, вклучително и вербални искази на две девојчиња на возраст под 14 години, пред кои осомничениот преземал дејствија на полово задоволување на јавно место во повеќе наврати“,
велат од ОЈО Битола.
Од битолскиот суд, обвинителството бара притвор за осомничениот.