Според одлуката на Регулаторната комисија за енергетика, бензините поскапуваат од 1,5 денари до два денари за литар, а новата цена на дизелот е зголемена за половина денар
Од ноќеска на полноќ цените на горивата се зголемуваат од половина денар до два денари за литар.
Според одлуката на Регулаторната комисија за енергетика (РКЕ), бензините поскапуваат од 1,5 денари до два денари за литар, а новата цена на дизелот ќе биде зголемена за половина денар по литар.
Па така, малопродажната цена на бензинот Еуросупер БС-95 од полноќ се зголемува за 1,5 денар и ќе се продава по цена од 87,5 денари за литар, бензинот Еуросупер БС-98 поскапува за два денари и ќе чини 90 денари за литар. Дизелот поскапува за половина денар и ќе се продава по цена од 87,5 денaри по литар.
Од полноќ за 2,5 денари по литар поевтинува екстралесното масло за домаќинство, кое ќе се продава за 86,5 денари по литар, а литар мазут ќе чини 46,223 денари по килограм.