Од полноќ нови цени на горивата – дизелот поевтинува, а бензините поскапуваат за половина денар

Новата цена на Еуросупер БС-95 изнесува 88 денари за литар, додека Еуросупер БС-98 ќе се продава по цена од 90 денари за литар

Новата цена на дизелот ќе изнесува 85,50 денари за литар, а на екстралесното масло за домаќинство 87,50 денари за литар

Регулаторната комисија за енергетика (РКЕ) донесе нова одлука за малопродажните цени на нафтените деривати, со која од полноќ бензините поскапуваат, а дизелот и екстралесното масло за домаќинство значително поевтинуваат.

Според одлуката, цените на бензините Еуросупер БС-95 и Еуросупер БС-98 се зголемуваат за 0,50 денари по литар во однос на претходната одлука од 26 мај 2026 година.

Со тоа, новата цена на Еуросупер БС-95 изнесува 88 денари за литар, додека Еуросупер БС-98 ќе се продава по цена од 90 денари за литар.

Од полноќ нови цени на горивата – бензините поскапуваат, дизелот останува со иста цена

Цената на Еуродизел (Д-Е В) и на екстралесното масло за домаќинство (ЕЛ-1) се намалува за 6,50 денари по литар.

Новата цена на дизелот ќе изнесува 85,50 денари за литар, а на екстралесното масло за домаќинство 87,50 денари за литар.

Намалување има и кај мазутот М-1 НС, чија цена се намалува за 3,238 денари по килограм.

Согласно новата одлука, мазутот ќе се продава по цена од 47,906 денари за килограм.

Согласно одлуката на Регулаторната комисија за енергетика, највисоките малопродажни цени на нафтените деривати и горива за транспорт изнесуваат:

• Еуросупер БС-95 – 88 денари за литар,
• Еуросупер БС-98 – 90 денари за литар,
• Еуродизел БС (Д-Е V) – 85,50 денари за литар,
• Екстралесно масло за домаќинство (ЕЛ-1) – 87,50 денари за литар,
• Мазут М-1 НС – 47,906 денари за килограм.

ОКТА од утре до 16 јуни ќе им продава бензини на трговците со попуст од два денари по литар

Компанијата ОКТА денеска информира дека донела одлука за привремен попуст од два денари по литар за бензините од 95 и 98 октани. Попустот, според компанијата, која е најголем снабдувач во земјава со нафта и нафтени деривати, ќе стартува од утре (2 јуни) и ќе трае до 16 јуни.

Владата ја продолжи мерката за намалување на акцизите на горивата до 15 јуни, договорен е и попуст од ОКТА

Владата на вчерашната седница, што ден претходно ја најави премиерот Христијан Мицкоски, донесе одлука за продолжување на мерката за намалување на акцизите за нафтените деривати до 15 јуни и информира дека во разговорите со ОКТА бил договорен дополнителен попуст од два денари по литар кој ќе започне да се применува од 1 јуни, односно денеска.

Премиерот Христијан Мицкоски завчера, одговарајќи на новинарско прашање, рече дека очекува стабилизирање на цените на горивата, додавајќи дека земјава и понатаму ќе остане со најниски цени на нафтените деривати во регионот.