На снимката од Ројтерс се гледаат неколку парчиња од авионот што се урна во руската област Твер, како и најмалку три торби со тела кои вчера биле влечени од едно од местата на несреќата
Очевидци од селото во близина на местото на авионската несреќа во која загина шефот на „Вагнер“, Евгениј Пригожин, изјавиле дека слушнале тресок пред да видат како авионот паѓа од небо.
„Слушам експлозија и тресок. Нормално, ако се случи експлозија на земја тогаш добивате ехо, но тоа беше само тресок и јас го кренав погледот и видов бел чад. Едното крило полета во една насока и трупот на авионот отиде така“,
изјавил Витали Степенок (72) за Ројтерс, гестикулирајќи со рацете да покаже како авионот се упатил кон земјата.
Тој не се нурна со носот, туку се лизгаше. Се плашев да не падне врз селото – јас бев таму. Се качив на мојот велосипед и бев таму за околу 20 минути. Се беше во пламен. Луѓето се шетаа наоколу. Некого извлекоа, нивните останки…, додал Степенок.
„Што се однесува до тоа што можеше да се случи, само ќе го кажам ова: тоа не беше гром, тоа беше метален тресок – ајде да го кажеме така. Сум слушнал такви работи порано. Таму кај јарболот. И тој падна таму, кон фармата. Не видов“,
рекол друг сведок кој се претставил само како Анатолиј.
На снимката од Ројтерс се гледаат неколку парчиња од авионот што се урна во руската област Твер, како и најмалку три торби со тела кои вчера биле влечени од едно од местата на несреќата.
Авионот се урна во близина на селото Куженкино на пат од Москва до Санкт Петербург, при што загинаа сите 10 лица во авионот – седум патници и тројца членови на екипажот. Нема официјален коментар од Кремљ или Министерството за одбрана за судбината на Пригожин, шеф на платеничката група на „Вагнер“ и самопрогласен непријател на военото раководство.
Телеграм каналот поврзан со „Вагнер“ го прогласи за мртов, но го поздрави како херој и патриот за кој се вели дека умрел од рацете на неидентификувани луѓе кои ги нарекува „предавници на Русија“.
Росавија ги објави имињата на лицата кои се наоѓале во приватниот авион „Ембраер легаси“ кој се урна во близина на Твер.
Меѓу патниците се имињата: Евгениј Пригожин, Сергеј Пропустин, Евгениј Макаријан, Александар Тотмин, Валери Чекалов, Дмитриј Уткин, Николај Матусеев, пренесува ТАСС.
Членовите на екипажот се Алексеј Левшин, командант, Рустам Каримов, копилот и Кристина Распопова, стјуардеса.
Фото: EPA-EFE/ANATOLY MALTSEV