Владата попладнево објави јавен повик за уште еден чартер-лет кој треба да се организира со цел враќање на македонски државјани во земјава. Јавниот повик е за лет од Љубљана до Скопје со кој ќе се пренесат 215 патници.
Пријавувањето трае до утре до 8 часот наутро, а крајниот рок за организирање на летовите треба да биде петок (27 март) до 12 часот.
Право на учество има секоја авиокомпанија или туристичка агенција која ќе организира чартер летови од градовите во Европа до Република Северна Македонија.
Критериум за избор на најповолен понудувач е најниска цена.
Генералниот секретаријат ќе склучи договор и ќе изврши плаќање на избраната најповолна понуда врз основа на дадениот критериум за избор.
Понудите на повикот треба да се достават електронски, заверени, потпишани од страна на одговорно лице и во скенирана форма на е-маил адресата: gs@gs.gov.mk.
Граѓаните кои ќе се вратат со овој чартер лет ќе потпишаат договор со Владата дека ќе си го платат авионскиот билет во рок од 15 дена, а ќе потпишаат и согласност дека 14 дена ќе престојуваат во државен карантин.
Утрово Владата објави и повик за организирање чартер-летови за враќање на македонски граѓани од Малта и Хрватска. Деталите за тој повик прочитајте ги ТУКА.