Во изминативе 24 часа регистрирани се 28 нови случаи со ковид-19 во земјава, 48 се излекува и еден пациент е починат, информира Министерството за здравство.
Починатиот пациент е од Скопје и е на возраст од 51 година. Тој бил хоспитализиран во Градската општа болница „8 Септември“ на 9 април. Неговата здравствена состојба била тешка и веднаш бил поставен на респиратор.
Министерството за здравство информира дека денеска Институтот за јавно здравје регистрира 48 излекувани пациенти. Од нив, шест пациенти од болничко лекување и 42 кои се лекуваа во домашни услови. Излекуваните пациенти на домашно лекување се евидентирани во Куманово (1), Битола (1), Скопје (19), Тетово (16), Штип (1), Радовиш (4).
Во изминатите 24 часа потврдени се 28 нови случаи на ковид-19 во шест града: Скопје (11), Куманово (2), Прилеп (9), Тетово (2), Велес (3) и Валандово (1).
Во изминатото деноноќие направени се 660 теста, од кои во ИЈЗ – 417, на Ветеринарниот факулттет – 14, „Авицена“ –11, „Биотек“ – 46, „Филип Втори“ (Жан Митрев) – 141 и „Систина“ со PCR-метода – 31.
Досега во земјата се направени вкупно 13 000 тестирања за ковид-19.
Во болниците има 118 пациенти, 8 се на респиратор
На Клиниката за инфективни болести и фебрилни состојби се примени седум, а хоспитализирани се вкупно 63 пациенти. Од нив 21 на кислородна поддршка и четири на механичка вентилација.
Во ГОБ „8 Септември“ примени се седум нови, а вкупно хоспитализирани 43 пациенти. Со потешка клиничка слика се осум пациенти, а на респираторна машина се четири пациенти.
Во болницата во Битола се лекуваат 10 пациенти, а на домашно лекување се следат 14.
Во моментов во Штип се хоспитализирани двајца пациенти, а на домашно лекување се следат уште 19.
Вкупната бројка на дијагностицирани пациенти со ковид-19 во нашата земја изнесува 1 259, и тоа во 25 града:
Скопје – 422
Куманово – 342
Дебар – 51
Штип – 34
Прилеп – 126
Тетово – 62
Струга – 55
Велес – 62
Битола – 17
Охрид – 15
Кавадарци – 4
Гостивар –1 3
Гевгелија – 4
Струмица – 2
Крива Паланка – 4
Радовиш – 4
Крушево – 3
Кочани – 28
Пробиштип – 2
Кичево – 2
Неготино – 2
Демир Хисар – 1
Македонски Брод – 2
Пехчево – 1
Валандово – 1