Ниту еден од заразените со делта-сојот не бил вакциниран, вели Министерството за здравство

Министерството за здравство потенцира дека сите вакцини се безбедни и ефикасни и апелира граѓаните масовно да се вакцинираат и да се придржуваат кон основните препораки за заштита од ковид-19

Ниту еден од заболените со делта-сојот не бил вакциниран против ковид-19, информира Министерството за здравство преку соопштение до јавноста.

„По направените анкети со пациентите утврдено е дека никој од нив не примил ниту една доза вакцина, односно ниту се вакцинирани, ниту ревакцинирани“,

велат од Министерството за здравство.

Од вкупниот број позитивни пациенти, кај кои е утврдено присуство на делта-сојот, само еден е во многу тешка состојба. Станува збор за пациент, кој како што велат од Министерството за здравство, 8-9 дена откако појавил смптоми на ковид 19, не отишол на лекар и бил во домашна изолација.

Четири регистрирани случаи на делта-сојот во земјава, се испитуваат уште четири сомнителни

Во моментов се вршат епидемиолошки анкети на останати членови од семејството на двајца од хоспитализираните пациенти, кои живееле во заедница и постои ризик и кај нив да се утврди присуство на индијскииот (делта) сој на вирусот.

„Министерството за здравство апелира до граѓаните за што помасовна вакцинација, како и придржување кон основните препораки за заштита од ковид-19. Сите вакцини со кои располагаме се безбедни и ефикасни и се единствениот начин за заштита од ковид 19“,

додаваат од Министерството.

Во „Жан Митрев“ вчера потврдиле уште два случаи на делта-сојот, сите се невакцинирани

МЗ: Сите вакцини штитат од тешка форма на болеста и хоспитализација од делта-сојот