Навални е отруен со новичок, потврдија лаборатории од Франција и Шведска

Специјализирани лаборатории од Франција и Шведска потврдија дека рускиот дисидент Алексеј Навални е отруен со новичок, јави Дојче веле.

„Шпигел“: Навални е подобар, зборува, му се врати и сеќавањето

Претходно, лекарите во Берлин рекоа дека Навални е отруен со новичок, нервен агенс од времето на Советскиот сојуз, но дополнителни испитувања направија и независните лаборатории од Франција и Шведска.

„Русија ќе треба да ги објасни овие настани“,

рече портпаролот на германската влада, Стефен Зиберт.

Тој додаде дека примероци за тестирање се испратени и во Организацијата за превенција од хемиско оружје во Хаг.

Двата часа кои му го спасија животот на Навални

Навални (44) е најгласниот критичар на политиките на претседателот Владимир Путин. Тој по труењето првично беше згрижен во болницата во Омск, а подоцна беше префрлен на лекување во Берлин, каде што и беше потврдено дека е отруен.