Сигурно дека процесот е ставен на мака. На односите, разговорите, преговорите е спуштен еден облак врз сето тоа што се обидовме да го разбистриме. Јас не велам дека ќе биде во јуни, но која е алтернативата? Не можам да дозволам тоа да го сруши процесот, не можам да влезам во дефетизам и да кажам – доста е, прекинуваме со преговори, разговори, зашто после извесно време ќе мора да разговараме, изјави денеска министерот за надворешни работи
Тој призна дека ова е тежок процес и никој не сака да биде дел од него бидејќи, како што рече, ништо не добиваме, но некој мора да го води, а после сите ќе се китат со успесите
Министерот за надворешни работи Бујар Османи вели дека настанот во Битола и отворањето на клубот на Здружението „Иван Михајлов“ има влијание на односите и преговорите со Бугарија, но смета дека тој процес ќе продолжи бидејќи се работи за стратешкиот интерес на државата – членството во ЕУ.
„Сигурно дека процесот е ставен на мака, на односите, на разговорите, преговорите е спуштен еден облак врз сето тоа што се обидовме да го разбистриме. Јас не велам дека ќе биде во јуни, но која е алтернативата? Не можам да дозволам тоа да го сруши процесот, не можам да влезам во дефетизам и да кажам – доста е, прекинуваме со преговори, разговори, зашто после извесно време ќе мора да разговараме“,
рече Османи и го посочи примерот со децениските преговори со Грција.
„Да се откажеме ли како со Грција пред 15 години, да го изгубиме ‘возот’ и пак да седнеме да преговараме? Не смееме ова да дозволиме сега да запре. Нема да биде одговорно и ќе биде на штета на интересите на граѓаните. Нема да дозволиме алиби да бидеме виновни за неуспехот. Правиме сè што може и што не може. Ако не успее, ќе се види дека нема волја од Бугарија да преговара“,
рече Османи.
На прашањето дали чувствува одговорност за провокацијата и како реагира на барањата за негова оставка, Османи посочи дека МНР направило тоа што треба да се направи и така ќе продолжи, а дека тој лично не реагира со емоции туку во интерес на државата.
„МНР го направи тоа што треба и така ќе продолжи. Јас не реагирам со емоции туку согласно стратегијата, а тоа е членство во ЕУ, притоа штитејќи ги интересите што ги утврди парламентот во Декларацијата од која нема да се отстапи ниту во запирка. Немам намера да добивам политички поени. Тие што се хранат со крв ќе се идентификуваат во следните денови. Сакам политички поен дента кога ќе почнеме преговори. Но не денеска и затоа мислам и нема да дозволам овој процес да го киднапираат луѓе кои сакаат да градат кариера на емоциите на граѓаните. Не е мое да навлезам во одредени емотивни реакции кои се оправдани од некои општествени кругови, туку да го зачувам и да го промовирам имиџот на оваа држава пред меѓународната заедница и светот“,
потенцира Османи.
Тој призна дека ова е тежок процес и никој не сака да биде дел од него бидејќи, како што рече, ништо не добиваме, но некој мора да го води, а после сите ќе се китат со успесите.