Министерството за здравство информира дека во денешниот извештај за новодијагностицирани со коронавирус во земјава, две лица се тестирани во Охрид, но тие се жители на Струга.
*Поврзана вест: Уште еден смртен случај и 66 нови заболени од ковид-19 во земјава
Согласно тоа денешната статистика на заболени по градови изгледа вака: Скопје 10, Куманово 27, Штип 3, Прилеп 4, Тетово 5, Струга 6, Велес 2, Охрид 3, Гостивар 1, Кочани 3, Неготино 2.
„По завршената епидемиолошка анкета, Институтот за јавно здравје информира дека за две лица позитивни на ковид-19, евидентирани во денешниот извештај во Охрид, е утврдено дека се жители на Струга, но истите се тестирани преку пунктот во Охрид“,
информира министерството за здравство.
Досега по градови потврдени случаи на ковид-19 се регистрирани во: Скопје 339, Куманово 262, Дебар 49, Штип 31, Прилеп 89, Тетово 43, Струга 49, Велес 36, Битола 9, Охрид 7, Кавадарци 3, Гостивар 10, Гевгелија 4, Струмица 2, Крива Паланка 4, Радовиш 4, Крушево 3, Кочани 25, Пробиштип 2, Кичево 1, Неготино 2.