Пожарот во кој синоќа изгореа камиони зафатил два плаца, а причините како дошло до него засега се непознати, со оглед на тоа што увидот сè уште трае.
Според првичните информации од МВР, огнот зафатил три камиони од кои два биле натоварени со волница, како и една полуприколка од истиот плац. Во пожарот делумно изгореле и шест полуприколки од соседниот плац.
„На 26.8.2020 во 23:30 часот било пријавено дека во Скопје на ул. ‘Александар Урдарески’ на плац за камиони биле опожарени три камиони влекачи со полуприколки, од кои едниот бил празен, а два натоварени со волница и една полуприколка без влекач. Од пожарот на соседниот плац биле делумно опожарени две полуприколки и четири полуприколки ладилници. Пожарот бил локализиран од Бригадата за противпожарна заштита. Во тек е увид од увидна екипа од СВР Скопје“,
соопшти МВР.
За пожарот доцна во ноќта, еден час откако бил пријавен, прва информираше скопската пожарна споделувајќи првична информација дека се запалени 4 камиони.