„Ја изразив нашата решеност да го зајакнеме партнерството, да ја унапредиме соработката и заеднички да придонесеме за регионалната стабилност и заеднички напредок“, вели министерот за надворешни работи и надворешна трговија
Министерот за надворешни работи и надворешна трговија Тимчо Муцунски вечерва објави дека телефонски разговарал со новиот шеф на бугарската дипломатија Георг Георгиев.
Оцени дека првиот разговор со својот бугарски колега поминал во пријателски дух.
„Имав прв пријателски телефонски разговор со Георг Георгиев, новиот министер за надворешни работи на Бугарија. Му честитав за назначувањето и ја изразив нашата решеност да го зајакнеме партнерството, да ја унапредиме соработката и заеднички да придонесеме за регионалната стабилност и заеднички напредок“,
пишува Муцунски во објавата на својот профил на Икс.
🇲🇰🤝🇧🇬 Had a friendly first phone call with Georg Georgiev, the new Minister of Foreign Affairs of Bulgaria.
— Timco Mucunski (@TimcoMucunski) January 16, 2025
I congratulated him on his appointment and expressed our determination to strengthen the partnership, enhance cooperation and jointly contribute to regional stability… pic.twitter.com/lyzkwgIXMK
Бугарскиот парламент денеска со мнозинство од 125 гласа „за“ ја избра новата влада во земјата на чело со премиерот Росен Жељазков. Тој и новите министри веднаш по изборот положија заклетва.
„На Бугарија ѝ треба редовна влада“,
изјави Жељазков од собраниската говорница, презентирајќи ги политиките на неговата влада.