Комисија формирана со одлука на министерот за образование и наука ќе ја преиспитува содржината на учебникот по историја за 7. одделение откако до Министерството пристигнаа повеќе претставки дека одредени податоци и информации што се објавени во учебникот не соодветствуваат со научната реалност
Министерството за образование и наука, во рок од 40 минути, испрати ново соопштение во кое се вели дека е направена грешка и дека ќе се преиспитува содржината на учебникот по историја за седмо одделение наместо, како што стоеше во претходното соопштение, дека тоа ќе се прави на учебникот за шесто.
Комисија формирана со одлука на министерот за образование и наука ќе ја преиспитува содржината на учебникот по историја за 7. одделение откако до министерството пристигнаа повеќе претставки дека одредени податоци и
информации кои се објавени во учебникот не соодветствуваат со научната реалност, се вели и во новото соопштение од МОН.
Во законски утврден рок од 10 дена, додаваат во соопштението, Комисијата има обврска до министерот да достави предлог за повлекување на учебникот, доколку членовите констатираат дека претставките се основани.
„Во зависност од обемноста на материјата која треба да се преработи, ќе биде донесена одлука за корекција на постојниот или за изработка на целосно нов учебник по соодветниот предмет“,
се додава во соопштението.
МОН и другите надлежни институции ќе продолжат да работат на подобрување на содржината на учебниците кои се користат во основното и средното образование и во целиот процес и понатаму ќе биде вклучена јавноста,
односно граѓаните кои имаат можност да доставуваат коментари, сугестии и забелешки за учебниците на електронската адреса book@mon.gov.mk, информираат од Министерството.