Комисијата има обврска во законски утврден рок од 10 дена да достави до министерот предлог за повлекување на учебникот доколку членовите констатираат дека претставките се основани
Комисија формирана со одлука на министерот за образование и наука ќе ја преиспитува содржината на учебникот по историја за 6. одделение откако до Министерството пристигнаа повеќе претставки дека одредени податоци и
информации што се објавени во учебникот не соодветствуваат со научната реалност, информираат од МОН преку соопштение.
Во законски утврден рок од 10 дена, додаваат од МОН, Комисијата има обврска да достави до министерот предлог за повлекување на учебникот доколку членовите констатираат дека претставките се основани.
„Во зависност од обемноста на материјата што треба да се преработи, ќе биде донесена одлука за корекција на постојниот или за изработка на целосно нов учебник по соодветниот предмет“,
се додава во соопштението.
МОН и другите надлежни институции ќе продолжат да работат на подобрување на содржината на учебниците што се користат во основното и средното образование и во целиот процес и понатаму ќе биде вклучена јавноста,
односно граѓаните кои имаат можност да доставуваат коментари, сугестии и забелешки за учебниците на електронската адреса book@mon.gov.mk, информираат од Министерството.