Претседателот на ВМРО-ДПМНЕ бара оставки и промена на политиките во справување со заразата
Лидерот на ВМРО-ДПМНЕ, Христијан Мицкоски вечерва преку Фејсбук повторно побара оставки во Владата и промена на политиките во справувањето со ситуацијата со ковид-19, откако беше објавена најновата статистика, според која во изминатите 24 часа, регистрирани се 445 нови случаи на заразени и 9 починати.
445 новозаразени лица и дури 9 починати. Национална катастрофа за која е одговорна Владата. Нема изговори. Имаа 8 месеци…
Posted by Hristijan Mickoski on Wednesday, October 14, 2020
„445 новозаразени лица и дури 9 починати. Национална катастрофа за која е одговорна Владата. Нема изговори. Имаа 8 месеци да се подготват за новиот бран, бараа избори за да ја зголемеле ефикасноста, објаснуваше Заев за „танцот” и „чеканот”, и еве ги резултатите. Уште колку семејства ќе се зацрнат за да се сетат за оставки и промена на политиките!?“,
напиша Мицкоски на Фејсбук.
Опозициската ВМРО-ДПМНЕ минатата недела побара оставка од министерот за здравство Венко Филипче, дирекно обвинувајќи го за влошувањето на состојбата во земјава.
„Колку побрзо си поднесе оставка,толку повеќе животи ќе се спасат“,
посочија од ВМРО-ДПМНЕ.
Тие го обвинуваат министерот затоа што нема место во клиниките, а ги нема, според нив, ниту најавените 16 монтажни болници.