За време на посетата, како што се вели во објавата, било разговарано за ангажирањето млади, регионалниот мир и безбедност, како и за спротивставување на штетните влијанија, вклучително и за дезинформациите, хибридните и киберзакани, без разлика дали доаѓаат од државни или недржавни чинители
Одржувањето безбеден и стабилен регион на Западен Балкан е приоритет за НАТО и за САД, соопшти мисијата на САД во Алијансата. Објавата доаѓа откако неделава Мисијата на САД во НАТО била домаќин на шест експерти од Западен Балкан.
„Оваа недела, бевме домаќини на шест експерти од Западен Балкан – од Албанија, Босна и Херцеговина, Косово, Србија, Северна Македонија и Црна Гора – во седиштето на НАТО, истакнувајќи го нашиот политички дијалог и практична соработка со Западен Балкан“,
се нагласува во објава на Мисијата на САД во НАТО на платформата Икс.
Maintaining a safe, secure, and stable Western Balkan region is both a #NATO and 🇺🇸 priority. This week, we hosted six Western Balkans 🇦🇱🇧🇦🇽🇰🇷🇸🇲🇰🇲🇪 emerging experts for a visit to @NATO HQ, emphasizing our political dialogue and practical cooperation with the Western Balkans.… pic.twitter.com/OWyHjN7JzS
— U.S. Mission to NATO (@USNATO) December 12, 2024
Од Северна Македонија, како што може да се забележи од објавената фотографија, присутни се Сашо Орданоски и Радмила Шекеринска, која од минатиот месец е избрана за заменик-генсек на НАТО.
За време на посетата, како што се вели во објавата, било разговарано за ангажирањето млади, регионалниот мир и безбедност, како и за спротивставување на штетните влијанија, вклучително и за дезинформациите, хибридните и киберзакани. без разлика дали доаѓаат од државни или недржавни чинители.
Групата експерти, за време на посетата, имала состаноци со високи функционери каде биле презентирани нивните препораки за политики, а биле разменети и идеи за виталните чекори потребни за регионална соработка и трансатлантска интеграција.