Германската канцеларка преферира набавката да биде во рамки на блокот, ама вели дека ако не дојде до тоа во ЕУ, „тогаш мораме да одиме по германски пат“
Германија ќе ја нарача руска вакцина против ковид-19 „спутник В“ , доколку е овластена за употреба во Европската Унија, изјави денеска германската канцеларка Ангела Меркел, додавајќи дека Берлин може да си обезбеди залихи самостојно, ако тоа не го направи не блокот.
„За руската вакцина, веќе некое време сум на мислење дека треба да користиме каква било вакцина што е одобрена од европскиот регулатор на лекови“,
рече таа.
Иако, како што вели, би ѝ било подраго ако блокот ја направи набавката на големо, ако не дојде до таква одлука во ЕУ, тогаш, нагласува, „мораме да одиме по германски пат“.