Центарот за управување со кризи објави мапа на која може да се следи состојбата со коронавирусот во Македонија.
Податоците се ажурираат според официјалните податоци на институциите и го покажуваат број на заболени лица, излечени и починати од коронавирусот по градови.
Засега бројот на регистрирани случаи на коронавирусот во државава изнесува 136 лица, откако во текот на вчерашниот ден беа дијагностицирани нови 22 случаи.
Најголем број од заболените се од Скопје – 81 лице, 40 заболени се од Дебар, седум од Штип, три лица од Куманово, две од Кавадарци, едно лице од Гостивар и двајца од Охрид.
Двајца пациенти, една жена од Куманово и маж од Дебар, починаа.
Според здравствените власти, во државава нема автохтоно жариште на вирусот и сите новозаразени пациенти биле во контакт со веќе заболени лица.
Податоците на Институтот за јавно здравје покажуваат дека од 136 лица, најмалку 24 лица биле во контакт со веќе заболени лица од странство, а сите останати инфицирани се резултат на локална трансмисија на вирусот.
Поврзани вести:
Дури 108 од заразените 133 лица се лекуваат во домашни услови, 41 немаат никакви симптоми