Нам никогаш не ни е страв повторно да почнеме од нула. Во тоа е нашата величина, се вели во повикот на Левица
По пропаѓањето на Еуростандард банка, во која останаа блокирани и сметки на Левица, партијата објави повик за донации.
„Воскликот и ситечка злорадост кај нашите политички непријатели, за блокираните пари на Левица во пропаднатата Еуростандард банка, без кои не можеме нормално да функционираме, за нас се само инспирација за акција. Левица никогаш нема да стане партија која одработува за лоби групи кои ја купиле со нивните валкани пари. Затоа, Левица, консолидирана и посилна од било кога, се обраќа за политички донации кон сите наши стари и нови членови, симпатизери и сограѓани, нашите гласачи и поддржувачи – кон луѓето од кои црпи легитимитет и на кои им припаѓа,“
се вели во повикот објавен на фејсбук-страницата.
Левица неколкупати обвинуваше за „тргување со инсајдерски информации од страна на актуелни функционери на штета на граѓаните и на јавниот интерес“.
Пратениците Димитар Апасиев и Борислав Крмов бараа и да се одржи седница за пратенички прашања на која ќе присуствуваат министерката за финансии Нина Ангеловска и гувернерката на Народна банка Анита Ангеловска-Бежовска, за да дадат одговори за пропаѓањето на банката.