Вработен на Детската клиника во Скопје е дијагностициран со ковид-19, а четворица со кои тој работел се во двенеделна изолација.
Министерот за здравство Венко Филипче рече дека тој работел во лабораторијата и бил под целосна заштитна опрема, но и покрај сè епидемиолозите прават анализа на случајот.
Филипче беше дециден дека тој поради местото каде што работел немал контакт со пациенти.
Исто така, нема да има ниту реорганизација на работата имајќи предвид дека четворица покрај заболениот ќе бидат во двенеделна изолација.
Одговарајќи на новинарско прашање за тоа како тој заболел, Филипче рече дека сè уште не се готови сите делови од епидемиолошката анализа и единствено е потврдено дека заштитната опрема е целосно користена. Тој не можеше да ги потврди информациите дека наводно лаборантот се заразил по контакт со заразена мајка која била хоспитализирана на клиниката.