Полицијата во Охрид и Кичево поднесе кривични пријави против три лица кои не ги почитувале здравствените прописи за време на епидемија, според член 206 од Кривичниот законик.
Како што соопштија од СВР Охрид, кривична пријава е поднесена против А.М. (63) од Охрид кој бил под мерка здравствен надзор и домашна изолација, и при контрола на 18 овој месец не бил во неговиот дом и не се придржувал кон мерките за 14-дневна самоизолација.
Лицето на 17 овој месец со авионски лет од Ајндховен пристигнало на Меѓународниот аеродром „Скопје“, и своерачно под полна морална, материјална и кривична одговорност потпишало изјава дека доаѓа од Холандија која според листата од СЗО е зафатена од коронавирус и дека во времетраење од 14 дена во својот дом во Охрид ќе спроведе задолжителна самоизолација.
Поради истите причини, СВР Кичево поднесе кривични пријави и против двајца жители на Кичево и на кичевското село Шутово.
Се работи за Б.С.(46) и С.А.(62). Првиот на 18 овој месец околу 13.30 часот го напуштил својот дом, иако на 17.03.2020 година своерачно под полна морална, материјална и кривична одговорност потпишал изјава дека доаѓа од Австрија, која според листата од СЗО е зафатена од коронавирусот и дека во времетраење од 14 дена во својот дом во Кичево ќе спроведе задолжителна самоизолација.
И С.А. од Шутово на 18 овој месец при извршена контрола не бил во својот дом и не се придржувал кон мерките за 14-дневна самоизолација.
За тројцата се констатира дека со непридржување до одредбите во изјавата ги прекршиле мерките за самоизолација и постапиле спротивно на прописите за спречување на појава, внесување, рано откривање, спречување на ширење и сузбивање на коронавирусот, предвидени во одлуката на Владата и писмената наредба донесена од страна на Министерството за здравство.
МВР вчера соопшти дека за два дена се поднесени 12 кривични пријави за непочитување на мерката здравствен надзор и самоизолација и најави построги контроли.
Министерот Наќе Чулев најави дека против сите што ќе ја прекршат ќе бидат поднесени пријави до ОЈО.
“Поврзана вест
МВР поднесе пријава за ексдиректорката на Клиниката за кожни болести