Ако имаме конструктивен дијалог, сигурен сум дека има решение за секој проблем. Кажувајќи го ова, самиот детаљ што и вие го наведувате (н.з. прашањето за македонскиот јазик), претпоставувам дека ќе биде разгледан на тие средби, вели бугарскиот премиер
Со чинот на признавање на вашата земја, Бугарија го призна правото на самоопределување и ние не се мешаме во внатрешните политики на независната држава, вели бугарскиот премиер, Кирил Петков, во интервју за „360 степени“ на прашањето за неговата позиција за комплексот идентитетско-јазични теми.
На забелешката дека „таа принципиелна позиција звучи коректно, но дека Рамковната позиција и Декларацијата на 44. Народно собрание одат над неа, на пример, за македонскиот јазик“, Петков коментира:
„Тоа што го направи Консултативниот совет е дека ние, во принцип, ја потврдуваме нашата позиција до овој момент, но, всушност, она на што се надевам е дека во следните месеци и недели, сите тие специфични индивидуални прашања… бидејќи јас сум сигурен дека еден дијалог бара од двете страни да може да ги адресираме проблемите што ги гледа секоја од страните, да може да ги адресираме во најконкретна смисла. И ако имаме конструктивен дијалог, сигурен сум дека има решение за секој проблем. Кажувајќи го ова, самиот детаљ што и Вие го наведувате, претпоставувам дека ќе биде разгледан на тие средби. Тоа за што сите партии се обединија на масата во Консултативниот совет е дека ние ја потврдуваме постоечката позиција, но и ја надградуваме со тој конструктивен тон и со работните групи, со вистинска желба, и тоа треба да се каже многу силно, да го видиме патот на Република Северна Македонија кон членство во Европската Унија.“
Повеќе вести од интервјуто на Петков за „360 степени“:
Петков очекува секоја недела да заседава некоја од петте работни групи
Сакаме Бугарите во С Македонија да бидат рамноправни со другите народи, вели Кирил Петков
Не ни требаат посредници, сами ќе ги решиме отворените прашања, вели бугарскиот премиер
Петков: Искрено сакам да почнете преговори со ЕУ, тајмингот зависи од напредокот во дијалогот
Целото интервју со Петков можете да го погледнете/прочитате на линкот во продолжение: