Знаеме за големата фама што се создаде во Северна Македонија, за фамозната тиранска декларација. Ако еднаш доживеавме такво искуство, не сакавме да се повтори, рече лидерот на Беса во гостувањето во „360 степени“ на ТВ Алсат
Лидерот на Движењето Беса, Билал Касами, ја смета за вистинска одлуката да не оди на средбата на партиите на Албанците од земјава со албанскиот премиер Еди Рама во Тирана.
„Бидејќи не беше лична или емотивна, туку беше одлука на органите на партијата на Движењето Беса, правејќи сеопфатна анализа на повикот, на политичкиот момент, на форматот и уште повеќе од моментот кога поканата стана и јавна. Имајќи го предвид и претходното искуство со таква средба, која за волја на јавноста, и првиот пат не бевме информирани дека ќе биде јавна. Знаеме за големата фама што се создаде во Северна Македонија, за фамозната тиранска декларација. Ако еднаш доживеавме такво искуство, не сакавме да се повтори“,
рече Касами.
На новинарска констатација дека не се оствариле најавите на Беса оти со состанокот „Груби и Ахмети уште еднаш се обидуваат да го искористат Рама затоа што не знаат како да излезат од калта во која заглавија“ и дека средбата била празнична и опуштена, Касами рече дека тоа уште повеќе го потврдува нивниот став за неучество.
„Најмалку имаме потреба да се сретнеме на вечера, во време кога ситуацијата во РСМ е навистина комплексна и на државно ниво. Економската ситуација, енергетската криза, политичката ситуација“
вели тој.
Лидерот на Беса не прифаќа дека на одлуката за неприсуство во Тирана може да се гледа како на израз на „комплекс на пониска вредност“.
„Можеби е спротивното, самиот претседател на ДУИ, кој даде таква изјава по средбата покажува дека тие имаат страв од Движењето Беса, бидејќи има изрека која вели „не прашувај го него, зашто самиот ќе ти каже“. Значи Движењето Бeса нема такво чувство, уште повеќе нема проблем да седне и да се сретне со претседатели на партии, особено на албанските во РСМ, но да зборуваат за реални прашања и проблеми и да најдат решение за тие проблеми. Значи, цениме дека по 20 години на власт на Али Ахмети и ДУИ, на чело сега со Артан Груби, немаме потреба да седнеме со нив да вечераме и да наздравуваме и да зборуваме за релаксирани теми, во време кога граѓаните се во длабока економска криза“,
вели Касами.
Прашан зошто немал проблем да седне на 1 ноември кога упати покана за средба до лидерите на сите партии на Албанците, вклучувајќи го и Ахмети, лидерот на Беса одговори:
„Ние сме обврзани да седнеме со претседатели на партии воопшто во РСМ за да зборуваме за решавање на проблеми. Но, не сме заинтересирани да седнеме и да наздравиме и да вечераме, бидејќи цениме дека имаме суштинска разлика во нашиот пристап, во нашето водење политика, во смислата кон тоа зошто сме во политика и зошто треба да бидеме на јавните позиции кои ги имаме“.
рече Касами.