Државниот јавен обвините Љубомир Јовески на вчерашната дебата за законот за ЈО сакал да ги покаже писмата од поранешната шефица на СЈО, Катица Јанева, со кои таа ги предава предметите на СЈО во ЈО, но тој вчера беше оневозможен токму од опозицијата да одговори на тоа нивно барање.
„Сакав да презентирам три писма. Едното, напишано на трети септември 2019 година, Катица Јанева го упатила поименично до сите обвинители во СЈО, со кое таа ги овластува да ги предадат на републичкиот јавен обвинител за натамошно постапување сите предмети за кои се водат судски процеси и оние за кои се води истрага или предистрага. Тоа писмо го имам како фотокопија бидејќи оригиналот е во СЈО“,
изјави Јовески за „Дојче веле“.
Во второто писмо од Јанева напишано на трети септември 2019 година, кое било упатено до Републичкото јавното обвинителство, таа известила дека обвинителите во СЈО се овластени да ги предадат сите предмети од тоа обвинителство на натамошно постапување во ЈО.
„Со третото писмо, кое Јанева го напишала на 6 септември 2019 година, се вели дека согласно со законот ме овластува да ги преземам сите предистраги, истраги и обвиненија за натамошно постапување“, вели Јовески за ДВ. Сите три писма, рачно напишани, биле доставени до судијата на претходна постапка во Кривичниот суд, Седат Реџепагиќ.
По два дена стручна расправа, предлог-законот за јавно обвинителство повторно се враќа на работните групи меѓу политичките партии. Се очекува дел од забелешките изнесени на расправата да се најдат во текстот на законот.
*Поврзани вести
Јавна расправа: Не може основен обвинител да ги води предметите на СЈО
Дескоска: Не е точно дека СЈО е неуставен концепт (ВИДЕО)
Новиот закон за ЈО не е совршен, ама би било совршено да се донесе што поскоро
ФОТО: Наместо јавна расправа, опозицијата му приреди герила-акција на републичкиот обвинител