Владата како исклучително позитивен и значаен го оцени делот од програмата и приоритетите на француското претседателство со Советот на ЕУ кој се однесува на посветеноста на Западен Балкан.
„Како исклучително позитивен и значаен е делот од програмата со кој недвосмислено се потврдува посветеноста за Западен Балкан, притоа силно нагласувајќи ја важноста и одговорноста на ЕУ која ја има кон европските перспективи за земјите од регионот“,
соопштија од Владата.
Ова доаѓа откако на денешната владина седница беа разгледани приоритетите на Франција која го презема шестмесечното претседателство на 1 јануари годинава.
Главна цел во програмата и приоритетите е трансформирање на ЕУ во силна Европа во светот, целосно суверена, слободна во својот избор и господар на својата иднина.
Франција ќе претседава со Советот на ЕУ до 30 јуни кога претседателството ќе го предаде на Чешка.