Градоначалникот на Општина Чешиново Облешево Горанчо Крстев поднел кривична пријава против тамошен жител кој ширел дезинформации дека починал како последица на коронавирус.
Крстев повеќе од 12 дена е во самоизолација поради тоа што на тестирањето за коронавирусот беше позитивен.
Тој денеска во емисијата на Телма „Топ тема“ рече дека полицијата се’ уште не презела никакви активности против лицето, иако, како што рече, има закон за ширење на лажни информации
Крстевуште кажа дека во Општината еден вработен е тестиран и е негативен на ковид-19, а се очекуваат разултати и од останатите вработени кои имале контакт со него, и дека таму се’ функционира и редовно се извршуваат сите активности.
Крстев реши да се тестира откако кон крајот на март бил кај фризерот од Кочани кој на почтокот на овој месец почина на Клиниката за инфективни болести како последица од вирусот.