Според соопштението, Бајден потврдил дека е стратешки важно ангажирањето на Франција и Европа во индо-пацифичкиот регион
Следната недела Франција ќе го врати својот амбасадор во Вашингтон, откако францускиот и американскиот претседател, Емануел Макрон и Џо Бајден, во телефонски разговор одлучиле да ја вратат довербата по кризата со подморниците во Австралија.
Двајцата претседатели денеска го имале најавениот телефонски разговор, по што Елисејската палата и Белата куќа се огласија со заедничко соопштение. Кон крајот на октомври најавена е и средба помеѓу Макрон и Бајден.
Тие се согласиле дека „отворените консултации помеѓу сојузниците за прашања од стратешките интереси на Франција и европските партнери ќе овозможело избегнување на настаната ситуација“. Според соопштението, Бајден потврдил дека е стратешки важно ангажирањето на Франција и Европа во индо-пацифичкиот регион.
До судирот околу подморниците помеѓу двете држави настана откако Австралија минатата недела објави дека се откажува од големото купување 12 француски конвенционални подморници во корист на нуклеарни подморници, изградени со американска технологија. Како реакција, Макрон реши да ги повлече француските амбасадори од Вашинтон и Канбера.