Матичарите за денеска решија да излезат на улица за да го изразат незадоволство поради, како што велат, неисполнетите барања за колективен договор и линеарно зголемување на платите
Дел пеш, дел со автомобили – вработените во Управата за водење матични книги попладнево го блокираат центарот на Скопје излегувајќи на протест.
Управата за водење матични книги е во активен штрајк од минатата недела, матичарите за денеска решија да излезат на улица за да го изразат незадоволство поради, како што велат, неисполнетите барања од надлежните институции.
Двочасовниот протест на Независниот синдикат на Управата за водење матични книги, кој сè уште е во тек, започна во 15 часот од паркот „Жена борец“, а ќе заврши во 17 часот пред Министерството за правда, каде [to повторно ќе бидат упатени барањата на Синдикатот за потпишување колективен договор, линеарно зголемување на платите за 30 отсто и подобрување на условите за работа.
Пред Министерството за правда, како што претходно најавија Конфедерацијата на синдикални организации на Македонија (КСОМ) и Синдикатот на Управата за водење матични книги, ќе се одржи и прес-конференција со која ќе бидат пренесени сите актуелности во Синдикатот на Управата за водење на матичните книги.